Qeveria ka miratuar për herë të parë një bonus vere prej 5 mijë lekësh të reja për të gjithë pensionistët në vend. Lajmi u bë i ditur nga ministrja Delina Ibrahimaj, e cila njoftoi se nga ky bonus do të përfitojnë rreth 777.200 pensionistë, ndërsa shpërndarja e tij nis nga 1 korriku.

Sipas ministres, vendimi u mor falë ecurisë pozitive të ekonomisë dhe të ardhurave shtesë të mbledhura gjatë pesëmujorit të parë të vitit. Efekti financiar i këtij bonusi është 3.7 miliardë lekë, ndërsa qeveria premton se do të vijojë të mbështesë rritjen e të ardhurave për pensionistët.