"Bëni 10 agroturizma ose mos ejani për rikandidim", Rama paralajmërim të prerë kryebashkiakëve: Koha e alibive mbaroi!
Kryeministri Edi Rama ka lëshuar një paralajmërim të fortë për të gjithë drejtuesit vendorë gjatë një takimi të zhvilluar këtë të shtunë me fermerët në Dibër. Duke u ndalur te nisma e "Paketës së Maleve", kreu i qeverisë e ka bërë të qartë se fati i kandidimit të tyre në zgjedhjet e ardhshme varet drejtpërdrejt nga rezultatet në terren dhe jo nga rrugët e shtruara.
Anonim
e shtunë, 25 prill 2026 në 10:47 p.d.
Kushti i ri: 10 agroturizma për çdo bashki
Rama iu drejtua drejtpërdrejt kryebashkiakut të Dibrës, Rahim Spahiu, por mesazhi ishte i qartë për të gjithë: "Po nuk bëtë 10 agroturizma, mos hajde të kandidoni më!". Sipas kryeministrit, bashkitë nuk duhet të mjaftohen më vetëm me punë rutinë si rregullimi i rrugëve, por duhet të kthehen në motorë të zhvillimit ekonomik përmes turizmit rural.
"Nuk është më problemi tek paratë, problemi është tek aplikimi. Askush nuk ka më alibi, as kryetarët e bashkive. E dua shumë Rahimin, është dibran i mirë, por ia kam thënë: bashkitë nuk janë më vetëm për rrugë," u shpreh prerë Rama.
Lehtësi për fituesit e parë
Për të nxitur këtë proces, Rama njoftoi se 500 fituesit e parë që do të marrin lejen për agroturizëm në kuadër të këtij projekti, do të jenë plotësisht të përjashtuar nga taksat. Qëllimi është që brenda pak muajsh, përmes marrëveshjeve me bankat, të nisë financimi i projekteve që do të transformojnë zonat malore.
Reformat dhe kontrolli i territorit
Ky ultimatum vjen në kuadër të turit kombëtar "Punët e Shqipërisë", ku fokus mbetet pastrimi i territorit, menaxhimi i mbetjeve dhe legalizimet. Kryeministri theksoi se po ngrihet një task-forcë e përbashkët qeveri-bashki për të garantuar që çdo zonë të jetë gati për sezonin turistik.
Ndaj këtë lajm