Ky emërim shënon një ndryshim të rëndësishëm në strukturën drejtuese të institucionit që ka për mision mbikëqyrjen e integritetit të uniformave blu, Gardës së Republikës dhe Shërbimit Zjarrfikës. Qose vjen në këtë pozicion pas një eksperience në drejtimin e strukturave të tjera të sigurisë, duke marrë tashmë përgjegjësinë e hetimit dhe inspektimit të shkeljeve brenda radhëve të forcave të rendit.

Gjatë viteve të fundit, AMP ka qenë në qendër të vëmendjes për sa i përket procesit të vetëpastrimit të Policisë së Shtetit dhe luftës ndaj korrupsionit në radhët e saj. Emërimi i Qoses pritet të shoqërohet me objektiva të rinj në rritjen e forcës goditëse të kësaj agjencie ndaj shkeljeve të ligjit nga punonjësit e policisë.

Prezantimi i tij zyrtar pritet të bëhet brenda një kohe të shkurtër, ku do të përcaktohen edhe prioritetet e reja në krye të Agjencisë së Mbikëqyrjes Policore.