Menjëherë pas eliminimit, ai u pa i tensionuar dhe u largua pothuajse menjëherë nga studioja e spektaklit, pa qëndruar gjatë në përfundim të transmetimit.

Situata u bë edhe më e dukshme më vonë, pasi Rogerti nuk ishte i pranishëm në festën e organizuar pas finales, ku zakonisht marrin pjesë stafi dhe ish-banorët për të mbyllur sezonin.

Në vend të pjesëmarrjes në festë, ai u shfaq në rrjetet sociale së bashku me reperin Don Phenom, i cili gjatë videos nuk nguroi ta cilësonte atë si “fituesin e vërtetë”.

Në të njëjtën video, Rogerti u drejtua me një mesazh për mbështetësit e tij, duke kërkuar që të mos shqetësoheshin për rezultatin e finales dhe duke shtuar: “Këto lojëra janë bërë për politikën vëlla, nuk janë bërë për njerëzit e vërtetë”.