Departamenti i Shtetit ka njoftuar një rregullore të re dhe më strikte sa i përket dhënies së vizave amerikane. Sipas një njoftimi zyrtar të shpërndarë edhe nga Ambasada e SHBA-së në Tiranë, masat e reja synojnë personat që veprojnë apo punojnë në emër të vendeve apo organizatave që konsiderohen si "kundërshtarë të Shteteve të Bashkuara".

Mbrojtja e Sigurisë Kombëtare

Nën moton #securingusborders, DASH ka bërë të qartë se politika e vizave do të përdoret si një mjet i fuqishëm për të mbrojtur sigurinë kombëtare. Ky vendim vjen si një përpjekje për të kufizuar ndikimin dhe aksesin në territorin amerikan për individët që mbështesin regjime apo entitete që punojnë kundër interesave strategjike të Uashingtonit.

Çfarë do të thotë kjo?

Sipas njoftimit, masat përfshijnë:

• Refuzimin e menjëhershëm të aplikimeve për viza për personat e lidhur me kundërshtarët e SHBA.

• Rishikimin e vizave ekzistuese që mund të jenë lëshuar më parë për këta individë.

• Kontroll më të rreptë të background-it (biografisë) gjatë procesit të aplikimit në ambasada.